հսկողություն

Որակի տեխնիկական հսկողություն իրականացվում է ժամանակակից սկզբունքներով՝ ըստ շինարարական աշխատանքների տեսակների, ոլորտում  աշխատանքային երկարամյա փորձ ունեցող մասնագիտացված ինժեներների կողմից։

Կազմակերպությունը շինարարության որակի տեխնիկական հսկողությունն իրականացնում է շինարարական նյութերի և արտադրանքի փորձարկման լաբորատորիաների հետ համագործակցելով՝ <<Շինարարության հատուկ հսկողություն>> ուղեցույցի։                                                       

Շինարարության որակի տեխնիկական հսկողությունը իրականացվում է ՀՀ-ի քաղաքաշինության նախարարության կողմից հաստատված հրաման №    11-Ն   առ   14․01․2008թ  ՀՀ ՇՆ 1-3․01․01-2008 << Շինարարական արտադրության կազմակերպման աշխատանքների կատարում >> ՝ շինարարական նորմերի մասին հրամանի։

Շենքերի և կառույցների բարձր որակը և հուսալիությունը ապահովվում է շին․ մոնտաժային աշխատանքների տեխնիկական (արտադրական) հսկողության միջոցավ, կիրառելով ժամանակակից տեխնիկական միջոցները և գործիքները։

Որակի տեխնիկական (արտադրական ) հսկողությունը ներառում է ՝

Ա ) կոնստրուկցիաների , նյութերի և սարքավորումների աշխատանքային փաստաթղթերի մուտքային հսկողություն , որի նպատակն է ստեղծել

1․ պահանջվող փաստաթղթերի լրակազմությունը, տեղեկատվական տվյալների անհրաժեշտ ծավալը

2․ շին․ կոնստրուկցիաների, շինվածքների , նյութերի և սարքավորումների համապատասխանությունը , ստանդարտներին և աշխատանքային փաստաթղթերին

3․ հավաստագրերի կամ տեղեկաթերթիկների առկայությունը։

Բ) Շին․ մոնտաժային աշխատանքների օպերատիվ հսկողությունը, որի նպատակն է  

1․ շինարության ընթացքում թույլ տրված թերությունների  բացահայտումը և օպերատիվ կարգով դրանց վերացումը․ արդյունքների և հետևանքների գրանցումը շինարարության վարման մատյանում

2․ անհրաժեշտության դեպքում երկրաբաշխական (գեոդեզիական ) ծառայության, ինչպես նաև շին․ լաբորատորիաների կողմից ստուգել կոնստրուկցիաների չափերը, առանցքային նշահարումները, բետոնի ամրությունը, կազմել արձանագրություն ՝ նշելով թույլատրելի կամ անթույլատրելի շեղումների մասին։

Գ ) Շին․ մոնտաժային աշխատանքների ընդունման հսկողության նպատակն է

1․ ծածկված աշխատանքների որակի ստուգումը և գնահատումը

2․հետագա աշխատանքների իրականացմանը տեխնիկապես պատրաստ լինելու փաստագրումը

3․ ծածկված աշխատանքների ընդունման ակտերի ձևակերպումը սահմանված ձևանմուշի վրա

4․ շենքերի մասերի, կառուցվածքների , համալիրների ինժեներական սարքավորումների և առանձին աշխատանքների միջանկյալ ընդունման ակտերի ձևակերպում։